Gujarat Labour Schemes: ગુજરાત શ્રમયોગી યોજનાઓ | Helpful Guide

ગુજરાત રાજ્યમાં સંગઠિત ક્ષેત્રે કામ કરતા શ્રમયોગીઓ માટે ગુજરાત શ્રમયોગી કલ્યાણ બોર્ડ અનેક કલ્યાણકારી યોજનાઓ ચલાવે છે. આ યોજનાઓનો મુખ્ય હેતુ શ્રમયોગી તથા તેમના પરિવારને શિક્ષણ, આરોગ્ય, આવાસ, સુરક્ષા, અને સામાજિક સહાય આપવા છે.

આ Gujarat Labour Schemes: ગુજરાત શ્રમયોગી યોજનાઓ લેખમાં તમામ યોજનાઓ ટૂંકા, સરળ અને વાચક સમજી શકે એવી ભાષામાં સમજાવવામાં આવી છે. દરેક યોજનાની પાત્રતા, દસ્તાવેજો, અને મદદ કેટલી મળે છે — બધું સ્પષ્ટ રીતે આપવામાં આવ્યું છે.

Gujarat Labour Schemes (ગુજરાત શ્રમયોગી યોજનાઓ): તમામ સહાય યોજનાઓની સરળ અને સ્પષ્ટ માર્ગદર્શિકા 2026

---

1. ઉચ્ચતર શિક્ષણ સહાય યોજના

હેતુ: શ્રમયોગીના બાળકને ધોરણ 12 પછીના અભ્યાસ માટે આર્થિક મદદ મળે તે માટે.

પાત્રતા	– ધોરણ 12 બોર્ડ પરીક્ષામાં 70 પર્સેન્ટાઇલ અથવા વધુ. – લેબર વેલ્ફેર ફંડ છેલ્લા એક વર્ષથી નિયમિત ભરેલું હોવું જોઇયે. – વિદેશ અભ્યાસ માટે સહાય મળતી નથી.
સહાય	– MBBS માટે: રૂ. 20,000 – અન્ય ગ્રેજ્યુએશન કોર્સ: રૂ. 10,000
અંતિમ તારીખ	દર વર્ષે ફેબ્રુઆરી મહિનાની છેલ્લી તારીખ સુધી અરજી કરવી.

---

2. શ્રમયોગી હોમ લોન વ્યાજ સબસિડી યોજના

હેતુ: શ્રમયોગી પોતાના પરિવાર માટે ઘર ખરીદી શકે તે માટે હોમ લોન પર વ્યાજમાં રાહત આપવી.

પાત્રતા	– મકાનની કિંમત વધુમાં વધુ રૂ. 30 લાખ – લોન મર્યાદા રૂ. 15 લાખ – લોન સમયગાળો ઓછામાં ઓછો 15 વર્ષ – લોન રાષ્ટ્રીયકૃત બેંક/શિડ્યુલ્ડ બેંક/NBFCમાંથી હોવી જરૂરી – મકાન ખરીદી પછી એક વર્ષની અંદર અરજી
સહાય	લોન રકમ પર 3% વ્યાજ સબસિડી, DBT દ્વારા સીધું બેંક ખાતામાં જમા.

---

3. શ્રમયોગી અકસ્માત અપંગતા સહાય યોજના

હેતુ: કાર્યસ્થળ પર અકસ્માતથી થયેલી અપંગતા માટે આર્થિક સહાય આપવી.

પાત્રતા

– લેબર વેલ્ફેર ફંડ છેલ્લા એક વર્ષથી ભરેલું. – અકસ્માત પછી બે વર્ષની અંદર અરજી જરૂરી.

સહાય:

અપંગતા	બોર્ડ સહાય	કંપની ફરજિયાત સહાય
40%–70%	રૂ. 25,000	રૂ. 12,500
70% થી વધુ	રૂ. 50,000	રૂ. 25,000

કંપની દ્વારા ચુકવણીનો પુરાવો રજૂ કરવો જરૂરી છે.

---

4. શ્રમયોગી અકસ્માત મૃત્યુ સહાય યોજના

હેતુ: શ્રમયોગીના અકસ્માતજન્ય મૃત્યુ બાદ તેના પરિવારને આર્થિક સહાય આપવી.

પાત્રતા	– લેબર વેલ્ફેર ફંડ ભરેલું હોવું જોઈએ. – મૃત્યુ પછી બે વર્ષની અંદર (અરજી). – અકસ્માતનો સત્તાવાર રિપોર્ટ ફરજિયાત. – કુદરતી મૃત્યુ અથવા બિમારી માન્ય લેવામાં આવતું નથી.
સહાય	પરિવારને રૂ. 2,00,000

---

5. મહિલા શ્રમયોગી લગ્ન સહાય યોજના

હેતુ: મહિલા શ્રમયોગીને લગ્ન સમયે આર્થિક મદદ આપવા.

પાત્રતા	– છેલ્લાં એક વર્ષથી લેબર ફંડ ભરેલું. – નોકરીમાં દાખલ થયા બાદ ઓછામાં ઓછા એક વર્ષ પછી લગ્ન. – લગ્ન પછી એક વર્ષની અંદર અરજી.
સહાય	કન્યાદાન સ્વરૂપે રૂ. 11,000

---

6. પ્રસુતિ સહાય અને બેટી પ્રોત્સાહન યોજના

હેતુ: ગર્ભાવસ્થા અને પ્રસુતિ સંબંધિત ખર્ચમાં મદદ.

પાત્રતા	– પ્રસુતિ બાદ એક વર્ષની અંદર અરજી – લેબર વેલ્ફેર ફંડ ભરેલું હોવું – મહિલા શ્રમયોગી અથવા પુરુષ શ્રમયોગીની પત્ની (ફક્ત એક પ્રસુતિ માટે સહાય) – જન્મ પ્રમાણપત્ર અને બેંક પાસબુકમાં નામ સરખું હોવું.
સહાય	દવા, પૌષ્ટિક આહાર, ચકાસણી વગેરે માટે આર્થિક સહાય

---

7. શ્રમયોગી સંપૂર્ણ તબીબી તપાસ સહાય યોજના

હેતુ: નિર્ધારિત ઉંમર બાદ શ્રમયોગીઓની હેલ્થ ચકાસણી કરાવવી.

પાત્રતા	– પુરુષ: 45 વર્ષથી વધુ – મહિલા: 35 વર્ષથી વધુ – લેબર વેલ્ફેર ફંડ ભરેલું. – વર્ષમાં એકવાર લાભ. – કંપનીએ પોર્ટલ પર Excel Sheet અપલોડ કરવી.
સહાય	– ચેકઅપ ખર્ચ: રૂ. 1950 – કંપની હિસ્સો: 25% (રૂ. 487.50) – બાકી રકમ બોર્ડ ચૂકવે છે.

---

8. લેપટોપ ખરીદ સહાય યોજના

હેતુ: વિદ્યાર્થીઓને અભ્યાસ માટે લેપટોપ ખરીદવામાં મદદરૂપ થવું.

પાત્રતા	– ધોરણ 12માં 70 પર્સેન્ટાઇલ અથવા વધુ. – પ્રોફેશનલ/ડિઝાઇનિંગ કોર્સમાં પ્રવેશ. – લેપટોપ વિદ્યાર્થીના નામે ખરીદેલો હોવો. – બોર્ડ પરીક્ષાના વર્ષમાં જ ખરીદી. – ખરીદી પછી છ મહિનાની અંદર અરજી.
સહાય	– ખરીદી કિંમત (મર્યાદા ₹50,000) નું 50% – મહત્તમ ₹25,000

વારંવાર પૂછાતા પ્રશ્નો (FAQs)❓